ശൂന്യത ..

എന്താന്നറിയില്ല.. ആകെ ഒരു ശൂന്യത .. 
എത്ര ആത്മാർത്ഥതയില്ലാത്ത ഒരു ലോകത്താണ് നാം ജീവിക്കുന്നത് ..!
നമ്മളെ ഭരിക്കുന്നവർ.. നമ്മള്‍ വിശ്വസിക്കുന്ന സമുദായത്തിന്റെ ചുക്കാൻ പിടിക്കുന്നവർ.. പലരും നമ്മളെ വഞ്ചിക്കുന്നു എന്നറിഞ്ഞിട്ടും നമ്മളില്‍ പലരും വീണ്ടും അവര്‍ക്ക് വേണ്ടി തന്നെ വാദിക്കുന്നത് കാണുമ്പോള്‍ സഹതാപമാണ്.. നിന്നോടും എന്നോടു തന്നെയും...
ഒന്നും എഴുതാന്‍ പോലും കഴിയാത്ത വിധം ഞാൻ തടവിലാക്കപ്പെട്ടിരിക്കുന്നു.
അറ്റം കൂർത്ത ചിന്തകളില്‍ ഞാൻ ബന്ധിക്കപ്പെട്ടിരിക്കുന്നു..
ഓരോ ചെറിയ ചലനത്തിലും എനിക്ക് മുറിവേൽക്കുന്നു.
വൃദ്ധന്റെ നിലവിളിയെ തടുക്കാൻ ബാലികയുടെ രോദനം പരിചയാക്കപ്പെടുന്നു.
മുതലക്കണ്ണീർ ഒഴുക്കുന്നവർ തന്നെ വലിച്ചെറിയുന്ന എല്ലിൻ കഷ്ണം.. തെരുവില്‍ കടിപിടി..
വേട്ടനായ്ക്കൾ വേട്ടക്കിറങ്ങുന്നു.
അയ്ഷൂ.. നൈസാം.. എനിക്ക് പേടിയാകുന്നു..
ഞാനിപ്പോഴും നിങ്ങളുടെ സുഹൃത്തല്ലേ?
അന്ന് മത്സരിച്ച് പെറുക്കിയെടുത്ത കുന്നിക്കുരു തർക്കമില്ലാതെ പങ്കിട്ടതെങ്ങനെയെന്നോർത്ത് അത്ഭുതപ്പെടുന്നു ഞാൻ ..
അതിനിയും എണ്ണിനോക്കി ചെറുതും വലുതും അളക്കണമെന്നുള്ളവർ വരിക.. ആദ്യത്തെ വെട്ട് എന്റെ ഹൃദയം തടുക്കട്ടെ.. അതിനുള്ളിലാണല്ലോ കുന്നിക്കുരുക്കളെ ഞാനൊളിപ്പിച്ചത്..
_നന്ദ