''ഡാ ചെക്കാ ഒരു കാര്യം
ചോദിച്ചോട്ടെ ....''
തൻറെ പ്രിയതമൻറെ മടിയില്
കിടന്ന് അവൻറെ മുഖത്തോട്ട്
നോക്കി അവൾ ചോദിച്ചു ..
''ഉം .. ചോദിക്കൂ.... ''
മൃദുവായ് പറക്കുന്ന
അവളുടെ സ്വർണ
മുടിയിഴകളിൽ
കൈവിരലുകളാൽ
ശ്രുതിമീട്ടിയവൻ തൻറെ
പെണ്ണിനെ നോക്കി.....
അവൾ: ''നിനക്ക് ഈ ഇടയായി
സ്നേഹമൊട്ടുമില്ല... ''
അവൻ: ''ഓ.. ഇത് പുതിയ
അറിവാണല്ലോ''
അവൾ: '' അല്ല. ഞാൻ
കുറച്ചീസായിട്ട്
പറയണോന്ന് വെച്ചതാ... ''
അവൾ: ''ഉം .. എന്നിട്ടെന്തേ
അന്നൊന്നും ഭവതി
പറയാഞ്ഞത് ... ''
അവൾ: ''അതുപിന്നെ, നിനക്ക്
വിഷമമായാലോന്ന്
കരുതീട്ടാ ചോദിക്കാഞ്ഞേ''
അവൻ: '' ഉവ്വോ , എന്നിട്ട് ഇപ്പോ
എൻറെ മുഖത്ത് വിഷമം
വല്ലോം ഉണ്ടോ ''
അവൾ: ''ഇല്ല. .. , പോ ..നീ
എന്നോട് മിണ്ടണ്ട. ''
അവൻ: ''ഡീ പെണ്ണേ , ''
അവൾ: ''ഉം....''
അവൻ: ''അയ്യോടാ ,
പിണങ്ങിയോ
അപ്പോഴേക്കും
എൻറെ ഖൽബ്''
അവൾ: ''ഞാനാരുടെയും
ഖൽബും
ബൾബുമൊന്നുമല്ല. ''
അവൻ: '' പിന്നാരാ നീ എൻറെ.? ''
അവൾ: ''ദേ, കണ്ടോ ,, ഞാൻ
ആരാന്ന്പോലുംഇപ്പോ
നിനക്ക് അറിയില്ലാല്ലേ !!''
അവൻ: '' നീ എനിക്ക് ആരുമല്ല
എന്ന് നീ പറയില്ല. അത്
നിൻറെ കണ്ണുകളിൽ
എനിക്ക് കാണുവാന്
കഴിയുന്നു നിൻറെ
മനസ്സിനൊപ്പം ... ''
അവൾ: ''എന്നാൽ പറയൂ..
എന്ത്കൊണ്ട് നിൻറെ
മുഖത്ത് വിഷമം വന്നില്ല
ഞാനങ്ങനെ
പറഞ്ഞപ്പോൾ.? ''
ഇരു കരങ്ങളാലവളെ തൻറെ
മാറിലേയ്ക്ക് വലിച്ചിട്ടുകൊണ്ട്
അവൻ പറഞ്ഞു...
''ഒത്തിരി വിഷമങ്ങളുളള നിനക്ക് വഴക്ക് കൂടാനും കുറുന്പ് കാട്ടാനും ഞാൻ മാത്രമാണ് ഉളളത് . അതിലുമുപരി, ഞാൻ നിന്നെ
സ്നേഹിക്കുന്നില്ലായെന്ന് മാത്രം
നീ പറയുകയുമില്ല.
കാരണം, നീ കുറുന്പ് പറഞ്ഞത്
പോലും എൻറെ മടിയില്
കിടന്നാണ് മണ്ടൂസേ .... നീഎത്രത്തോളമെന്നിൽ സംതൃപ്തയാണെന്ന് നിൻറെ ഓരോ
ചലനങ്ങളിലും ഭാവങ്ങളിലും
ഞാനറിയും... ഒരുപക്ഷേ മറ്റാരേക്കൊളും....
അവൻറെ ഇടനെഞ്ചിൽ തൻറെ
അധരം അമർത്തി ചുംബിച്ചവൾ.
നിറമിഴിയാൽ അവൾ മൊഴിഞ്ഞു..
''എന്നെ അറിയുന്ന നിൻറെ
മനസ്സ് തന്നെയാണ് എന്നെ
നിന്നിലേയ്ക്കടുപ്പിക്കുന്നതും..
തനിച്ചല്ല ഞാനെന്ന് ഓർമിപ്പിക്കുന്ന നിൻറെ സ്നേഹം
ഒന്ന് മാത്രമാണ് എനിക്ക്
ജീവനേകുന്നതും... ''
അവൻ ഒന്ന് കൂടി ഇറുകെ പുണർന്നവളെ ... എന്നിട്ട് അവളുടെ കാതിൽ മന്ത്രിച്ചു..
''ഐ ലവ് യൂ''
_പ്രിന്സ്_
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ